தமிழ் வருடங்களும் மாதங்களும் 

தமிழ் வருடங்கள் மொத்தம் 60 உள்ளன. இதனை கால சுழற்ச்சி முறை என்றும் கூறலாம். தமிழ் மாதங்கள் மொத்தம் 12 உள்ளன. ஒவ்வொரு மதத்திற்கும் 29 - 32 நாட்கள் வேறுபட்டு வருகின்றன. 

Tamil	Sanskrit	English	Years
நற்றோன்றல்	பிரபவ	Prabhava	1987–1988
உயர்தோன்றல்	விபவ	Vibhava	1988–1989
வெள்ளொளி	சுக்கில	Sukla	1989–1990
பேருவகை	பிரமோதூத	Pramodoota	1990–1991
மக்கட்செல்வம்	பிரசோற்பத்தி	Prachorpaththi	1991–1992
அயல்முனி	ஆங்கீரச	Aangirasa	1992–1993
திருமுகம்	சிறிமுக	Srimukha	1993–1994
தோற்றம்	பவ	Bhava	1994–1995
இளமை	யுவ	Yuva	1995–1996
மாழை	தாது	Dhaatu	1996–1997
ஈச்சுரம்	ஈசுவர	Eesvara	1997–1998
கூலவளம்	வெகுதானிய	Vehudhanya	1998–1999
முன்மை	பிரமாதி	Pramathi	1999–2000
நேர்நிரல்	விக்ரம	Vikrama	2000–2001
விளைபயன்	விச	Vishu	2001–2002
ஓவியக்கதிர்	சித்திரபானு	Chitrabaanu	2002–2003
நற்கதிர்	சுபானு	Subhaanu	2003–2004
தாங்கெழில்	தாரண	Dhaarana	2004–2005
நிலவரையன்	பார்த்திப	Paarthiba	2005–2006
விய	விரிமாண்பு	Viya	2006–2007
முற்றறிவு	சர்வசித்து	Sarvajith	2007–2008
முழுநிறைவு	சர்வதாரி	Sarvadhari	2008–2009
தீர்பகை	விரோதி	Virodhi	2009–2010
வளமாற்றம்	விக்ருதி	Vikruthi	2010–2011
செய்நேர்த்தி	கர	Kara	2011–2012
நற்குழவி	நந்தன	Nandhana	2012–2013
உயர்வாகை	விசய	Vijaya	2013–2014
வாகை	ஜய	Jaya	2014–2015
காதன்மை	மன்மத	Manmatha	2015–2016
வெம்முகம்	துன்முகி	Dhunmuki	2016–2017
பொற்றடை	ஹேவிளம்பி	Hevilambi	2017–2018
அட்டி	விளம்பி	Vilambi	2018–2019
எழில்மாறல்	விகாரி	Vikari	2019–2020
வீறியெழல்	சார்வரி	Sarvari	2020–2021
கீழறை	பிலவ	Plava	2021–2022
நற்செய்கை	சுபகிருது	Subakrith	2022–2023
மங்கலம்	சோபகிருது	Sobakrith	2023–2024
பகைக்கேடு	குரோதி	Krodhi	2024–2025
உலகநிறைவு	விசுவாசுவ	Visuvaasuva	2025–2026
அருட்டோற்றம்	பரபாவ	Parabhaava	2026–2027
நச்சுப்புழை	பிலவங்க	Plavanga	2027–2028
பிணைவிரகு	கீலக	Keelaka	2028–2029
அழகு	சௌமிய	Saumya	2029–2030
பொதுநிலை	சாதாரண	Sadharana	2030–2031
இகல்வீறு	விரோதகிருது	Virodhikrithu	2031–2032
கழிவிரக்கம்	பரிதாபி	Paridhaabi	2032–2033
நற்றலைமை	பிரமாதீச	Pramaadhisa	2033–2034
பெருமகிழ்ச்சி	ஆனந்த	Aanandha	2034–2035
பெருமறம்	ராட்சச	Rakshasa	2035–2036
தாமரை	நள	Nala	2036–2037
பொன்மை	பிங்கள	Pingala	2037–2038
கருமைவீச்சு	காளயுக்தி	Kalayukthi	2038–2039
முன்னியமுடிதல்	சித்தார்த்தி	Siddharthi	2039–2040
அழலி	ரௌத்திரி	Raudhri	2040–2041
கொடுமதி	துன்மதி	Dunmathi	2041–2042
பேரிகை	துந்துபி	Dhundubhi	2042–2043
ஒடுங்கி	ருத்ரோத்காரி	Rudhrodhgaari	2043–2044
செம்மை	ரக்தாட்சி	Raktakshi	2044–2045
எதிரேற்றம்	குரோதன	Krodhana	2045–2046
வளங்கலன்	அட்சய	Akshaya	2046–2047

 இந்த 60  வருடங்களும் சுழற்சி முறையில் மறுபடியும் அடுத்த 60 வருடங்களுக்கு இந்த பெயர்களோடு வரும்.

வரலாறு :

இந்தியாவின் மிகப்பழைய வானியல் நூலான வேதாங்க சோதிடத்தில் (பொ.மு 700இற்குப் பின்) விஜய முதல் நந்தன வரையான அறுபது ஆண்டுகளின் பட்டியலைக் காணமுடிகின்றது. எனினும், வராகமிகிரரின் பிருகத் சங்கிதையில் (பொ.பி 505 - 587) பிரபவ முதல் அட்சய வரை என்று அப்பட்டியல் மாற்றமுற்றிருக்கிறது. பிருகத் சங்கிதையில் குறிக்கப்பட்ட ஒழுங்கிலேயே இன்றுள்ள அறுபதாண்டுப் பட்டியல் கடைப்பிடிக்கப்படுகின்றது.

வடமொழி நூல்களில் அறுபது ஆண்டுகளும் அறுபது சம்வத்சரங்கள் என்று அழைக்கப்படுகின்றன. இராசிச்சக்கரத்தோடு சூரியன் இயங்கும் ஒரு காலவட்டம் ஆண்டு என்று கணிப்பது போல், வியாழன் கோள் இயங்கும் ஒரு காலவட்டம் சோதிட ரீதியில் அறுபது சம்வத்சரங்கள் (அறுபது ஆண்டுகள்) என்று அழைக்கப்படுகிறது. வடநாட்டு நூல்கள் தொடர்ந்து சம்வத்சரங்களை வியாழனின் இயக்கத்துடனே தொடர்புபடுத்த, தென்னகத்தில் அவை சூரிய ஆண்டுகளின் சுற்றுவட்டப் பெயர்களாக மாறியிருக்கின்றன. ஆயினும், காலக்கணிப்பு ரீதியில் சம்வத்சரமானது ஒரு சூரிய ஆண்டிலும் சிறியது என்பதே உண்மை ஆகும்.

தமிழகத்தில் 60 அறுபது ஆண்டு சுழற்சி முறை

தமிழ் நாட்டில் அறுபதாண்டுப் பட்டியல் எப்போது வழக்கில் வந்தது என்பதற்கான தெளிவான சான்றுகள் இல்லை. எனினும் அவற்றின் ஒழுங்கு வராகமிகிரருக்குப் பின்பேயே அது தமிழகத்துக்கு அறிமுகமானதைச் சொல்கின்றது. தமிழகத்தைப் பொறுத்தவரை, பொ.பி 14ஆம் 15ஆம் நூற்றாண்டுகளைச் சேர்ந்த கல்வெட்டுகளிலேயே அறுபதாண்டுப் பெயர் பட்டியலை முதன்முதலாகக் காணமுடிகின்றது.தமிழில் அறுபது சம்வத்சரங்களைப் பட்டியலிடும் மிகப்பழைய நூலான "அறுபது வருட வெண்பா" இடைக்காடரால் பாடப்பட்டதாகச் சொல்லப்படுகின்றது. இவர் காலம் பொ.பி 15ஆம் நூற்றாண்டு. விவேக சிந்தாமணியிலும் அறுபதாண்டுப் பெயர்கள் மறைகுறியாகக் குறிக்கப்படும் பாடலொன்று வருகின்றது.

2008இல் புத்தாண்டுக் குழப்பம் உச்சமடைந்தபோது, அதில் பயன்படும் அறுபதாண்டுப் பட்டியல் தமிழ் அல்ல என்ற வாதம் கிளம்பியது. தமிழ்ப்புத்தாண்டு என்று கூறி அவை ஒவ்வொன்றுக்கும் வடமொழியில் பெயரிட்டுள்ளது ஏன் என்ற குற்றச்சாட்டு தைப்புத்தாண்டு ஆதரவாளர்களால் முன்வைக்கப்பட்டது.எவ்வாறெனினும், அறுபது ஆண்டுப்பட்டியல் தமிழர் காலக்கணக்கைப் பொறுத்தவரை இடைச்செருகல் என்பதில் ஐயமில்லை. எனினும், சமயம்சார்ந்த தேவைகளில் தற்போதும் அறுபதாண்டுப் பட்டியல் பயன்படுவதால், தமிழ்ப்பற்றாளர்கள் முதுமுனைவர் மு.பெ.சத்தியவேல் முருகனார் பரிந்துரைத்த அறுபது தமிழ்ப்பெயர் பட்டியலை பயன்படுத்தி வருகின்றனர்.